Malaya // Miss Independent

Malaya

- Miss Independent

Minsan ako'y naging malaya

Ang mga pakpak ay naihahampas

Kasabay ng ihip ng hangin 

Sa gitna ng malawak na kalangitan.

Ang mga ngiti sa mata'y kitang kita

At ang masisilayan ay ang masiglang tawa

Sa bawat pagalaw ng ulo at indayog ng katawan

Ang mababakas ay tanging katuwaan.

Ang kagalakan sa puso'y walang humpay

Halakhak ay walang magpagsidlan

At ang lahat ay parang walang katapusan

Sa bawat pagising laging parang simula.

Isang bagong buhay sa isang bagong araw

Alaalang sa isip ay magmamarka

Na balang araw ay maaalala

Na minsan ako'y naging malaya.